أنا عزام، صاحب قناة فريلانس ببساطة. بقالي أكتر من سنتين بشتغل فريلانس وأونلاين، وبشرح على القناة بالمصري منصات الـ AI Training والـ Data Annotation، وإزاي تسحب فلوسك في مصر.
القناة على يوتيوبليه عملت الموقع ده؟
الشغل ده حقيقي وبيجيب فلوس كويسة، بس الوظايف متفرقة على منصات كتير، وأغلب الشرح بتاعها بالإنجليزي. فعملت الموقع ده عشان تلاقي كل الوظايف المفتوحة في مكان واحد، بالعربي.
بنعمل إيه بالظبط؟
بنجيب الوظايف المفتوحة على Mercor، micro1، Turing، Meridial، Terac، AfterQuery ونحدّثها لوحدها. لما تدوس «قدّم» بتروح لموقع المنصة نفسها، وهي اللي بتقبلك وبتدفعلك. إحنا مش وسيط في التعاقد.
هيكلفك كام؟
ولا مليم. مفيش رسوم ولا اشتراك ولا حاجة تشتريها، ومش هنطلب منك فلوس أو بيانات كارت أو حساب بنكي أبدًا.
طب الموقع بيكسب منين؟
لينكات التقديم في الموقع لينكات إحالة (Referral). لو سجّلت منها واتقبلت واشتغلت، المنصة ممكن تدفعلي مكافأة إحالة من ميزانيتها هي، ومش بيتخصم أي حاجة من أجرك.
إحنا مستقلين
مش موظفين ولا ممثلين لأي منصة، ومالناش أي دخل في القبول أو الأجور أو المشاريع. المعلومات منقولة من صفحات المنصات العامة وممكن تتغير، والمرجع دايمًا صفحة الوظيفة على المنصة. ومفيش وعود بدخل أو قبول؛ الفرص والشروط بتختلف حسب البلد والمنصة والمشروع.